Бесқарағай ауданында мал ұрлығына қатысты қылмыстық топтың әрекеті тоқтатылды. деп хабарлайды Arnapress.kz Бас прокуратураға сілтеме жасап.
Жедел-тергеу іс-шаралары барысында шаруа қожалықтарының бірінен ұсақ малды бірнеше рет ұрлаған 11 адамның қылмыстық әрекетке қатысы бар екені анықталды.
Тергеу мәліметтеріне сәйкес, олар жалпы 36 бас ұсақ малды ұрлаған, сондай-ақ тағы 14 бас малды ұрлауға әрекет жасаған.
Қылмыстық іс сотқа жолданып, сот талқылауы барысында мемлекеттік айыптаушы сотталушылардың кінәсін дәлелдейтін материалдарды ұсынды.
Сот үкімімен барлық 11 сотталушы кінәлі деп танылып, әртүрлі мерзімдерге бас бостандығынан айырылды.
Қазіргі уақытта сот үкімі заңды күшіне енген жоқ.
Абай облысының прокуратурасы азаматтарды заң талаптарын сақтауға шақырады. Құқыққа қайшы әрекеттер жасағаны үшін заңда тиісті жауапкершілік қарастырылған.
Фото: Жасанды интеллект арқылы жасалды
