Биылғы тамыз айында Сыбайлас жемқорлыққа қарсы қызмет прокуратура органдарының үйлестіруімен Көлік министрлігі Автомобиль көлігі және көліктік бақылау комитеті төрағасының орынбасары мен Ақмола облысы бойынша көлік бақылау инспекциясы басшысының орынбасарын ұстады, деп хабарлайды Arnapress.kz қауіпсіздік комитетіне сілтеме жасап.
Олар жүк көліктерінің белгіленген рұқсат етілген салмақ нормаларынан асып кеткеніне қарамастан, олардың кедергісіз қозғалысын қамтамасыз етуге бағытталған құқыққа қайшы әрекеттер жасады деген күдікке ілінді.
Тергеу мәліметтеріне сәйкес, аталған тұлғалар кәсіпкерлерден жалпы сомасы 40 млн теңгеден астам материалдық сыйақы алған.
Сот санкциясымен күдіктілер қамауға алынды. Қазіргі уақытта сотқа дейінгі тергеп-тексеру жүргізілуде.
Қазақстан Республикасы Қылмыстық-процестік кодексінің 201-бабына сәйкес, тергеу мүддесіне байланысты өзге ақпарат жария етуге жатпайды.
Фото: ЖИ
