Семей қаласында Бейбітшілік аралына заңсыз қоқыс төккен "Газель" автокөлігінің иесі анықталды, деп хабарлайды Arnapress.kz тұрғын үй - коммуналдық шаруашылыққа сілтеме жасап.
Құқық бұзушыға Қазақстан Республикасының Әкімшілік құқық бұзушылық туралы кодексінің 505-бабы бойынша айыппұл салынды.
Сонымен қатар заңсыз төгілген қоқыс автокөлік иесінің өзіне шығартылып, аумақ тазартылды.
Қоғамдық орындардың тазалығын сақтау – баршамызға ортақ міндет. Қала тұрғындарын қоршаған ортаға жауапкершілікпен қарап, қоқысты тек арнайы белгіленген орындарға тастауға шақырады.
Осы бағыттағы рейдтік іс-шаралар алдағы уақытта да жалғасады.
Фото: ЖКХ видеосынан скрин
