Ақмола облысының прокуратурасы Щучинск қаласындағы "Центр плова Loft" кафесінде болған жарылысқа қатысты қылмыстық істі тергеуді жалғастырып жатыр, деп хабарлайды Arnapress.kz облысының прокуратурасына сілтеме жасап.
Қайғылы оқиға өрт қауіпсіздігі талаптарының бұзылуынан орын алып, бірнеше адамның қаза табуына әкеп соққан.
Осы жылдың 20 сәуірінде арнайы прокурорлар автогаз құю станциясының директорын және газ баллондарын жеткізушіні ұстады. Тергеу мәліметінше, олар газ баллондарын толтыру және тасымалдау барысында заң талаптарын сақтамаған.
Күдіктілердің әрекеті Қылмыстық кодекстің 306-бабы 3-бөлігі бойынша сараланып отыр. Бұл бап тұтынушылардың өмірі мен денсаулығына қауіп төндірген қызметтер көрсету, соның салдарынан ауыр зардаптар мен адам өліміне әкелу фактілерін қамтиды. Аталған құқық бұзушылық үшін 8 жылға дейін бас бостандығынан айыру жазасы қарастырылған.
Қазіргі таңда күдіктілердің біріне сот шешімімен қамауда ұстау шарасы қолданылса, екіншісі үй қамағына алынған.
Тергеу жұмыстары жалғасуда. Іс бойынша соңғы шешімді сот қабылдайды. Қылмыстық-процестік кодекстің 201-бабына сәйкес өзге ақпараттар жария етілмейді.
Фото: ЖИ
