Абай облысында полицейлер жол қауіпсіздігіне қауіп төндірген жүргізушінің жолын кесті, деп хабарлайды Arnapress.kz Полиция департаментіне сілтеме жасап.
Оқиға түнгі сағат 03:45 шамасында Шығыс кентінде болған. Патрульдік полиция қызметкерлері күдік тудырған Toyota Carina автокөлігін тоқтатқан.
Жүргізушінің жүріс-тұрысынан масаңдық белгілерін байқаған полицейлер оны медициналық куәландырудан өткізді. Сараптама нәтижесінде 34 жастағы жүргізушінің жеңіл дәрежедегі алкогольдік масаң күйде болғаны анықталды.
Фото: Полиция департаментінен
