Қ. Мұхамедханов көшесіндегі кәріз коллекторын қайта жаңғырту жұмыстарына байланысты бірқатар қоғамдық көлік маршруттарының қозғалыс бағыты уақытша өзгертіледі, деп хабарлайды Arnapress.kz қала әкімдігінің баспасөзіне сілтеме жасап.
Өзгерістер келесі автобус маршруттарына қатысты: №2, 3, 5, 9, 17, 28, 29, 31, 33, 35, 36, 41, 43 және 56.
Қозғалыс бағытының уақытша өзгерістері:
1. №5 автобус маршруты:
"Орталық алаң" аялдамасы бағытында: "Прокуратура" аялдамасынан кейін автобустар Найманбаев көшесімен жүріп, одан әрі Қайым Мұхамедханов көшесіне оңға бұрылып, кейін өз бағыты бойынша қозғалысын жалғастырады.
Қарама-қарсы бағытта қозғалыс осы тәртіппен жүзеге асырылады.
Уақытша қызмет көрсетілмейтін аялдамалар: Қозғалыс сызбасының өзгеруіне байланысты "Жұмабаев", "Абай алаңы", "Жастар сарайы" және "Орталық алаң" аялдама пункттеріне уақытша қызмет көрсетілмейді.
2. №2, 17, 35 автобус маршруттары:
"Орталық алаң" аялдамасы бағытында: "Мешіт" аялдамасынан кейін автобустар Жұмабаев көшесіне оңға бұрылып, одан әрі Найманбаев көшесіне солға, кейін Қайым Мұхамедханов көшесіне оңға бұрылып, әрі қарай өз бағыты бойынша қозғалысын жалғастырады.
Қарама-қарсы бағытта қозғалыс осы тәртіппен жүзеге асырылады.
Уақытша қызмет көрсетілмейтін аялдамалар: "Абай алаңы", "Жастар сарайы" және "Орталық алаң" аялдама пункттеріне уақытша қызмет көрсетілмейді.
Ескерту: Бұл ретте "Жұмабаев" аялдама пунктіне міндетті түрде кіріп шығу қарастырылған.
Тұрғындар мен қала қонақтарынан сапарларын алдын ала жоспарлап, қоғамдық көлікпен қатынау кезінде маршруттардағы уақытша өзгерістерді ескеру сұралады.
Фото: Басқы бет жасанды интеллект арқылы
Фото: автобус схемасы қала әкімдігінің баспасөзінен
