Шымкентте автобус кәмелетке толмаған қызды қағып кетті.
Оңтүстік шаһарда қоғамдық көлік кәмелетке толмаған қызды қағып кетті, - деп хабарлайды Arnapress.kz тілшісі Tengrinews.kz сайтына сілтеме жасап.
Оқиға 22 ақпанда сағат 10:30-да Байтұрсынов көшесінде болған. Апат салдарынан қыз көптеген дене жарақатын алған. Бұл туралы мегаполистің Денсаулық сақтау басқармасы хабарлады.
Дәрігерлердің айтуынша, қыз жабық бассүйек-ми жарақатымен балалар ауруханасына жатқызылған. Миы шайқалған, маңдай аймағы көгерген, кеуде қуысы және қабырғасы жараланған. Дәрігерлердің айтуынша, қызға операция қажет емес.
"2005 жылы туған науқас, ЖКО орнынан №1 Қалалық клиникалық ауруханаға жеткізілді, онда оған КТ және ультрадыбыстық зерттеу жүргізілді. Ол қазір қалалық балалар клиникалық ауруханасына ауыстырылды. Травматикалық пунктте науқасты реаниматолог, нейрохирург қарап, миының жабық жарақаты диагнозымен нейротравматологияға жатқызылды", - деді Шымкент қалалық Денсаулық сақтау басқармасы өкілдері.
Куәгерлердің айтуынша, қыз жолды дұрыс емес жерден кесіп өткен. 27-автобустың жүргізушісі жол апатының алдын алуға тырысқанымен, қашу мүмкін болмаған.
Сурет: Tengrinews.kz
