Туристік полиция жедел әрекет етуде.
Абай облысындағы Алакөл көлінің жағалауында туризм маусымы басталғалы бері туристік полицияға кішкентай балалардың жоғалуына қатысты көптеген өтініштер түсуде, - деп хабарлайды Arnapress.kz тілшісі облыстық ПД баспасөз қызметіне сілтеме жасап.
Әсіресе адамдар көп жиналатын орталық Арбат аумағында, ата-аналар бір сәтке назардан тыс қалдырған балалар көзден таса болып кетіп жатады. Жазғы маусым басталғалы 126 жағдай тіркелді.
"Барлық жағдайда балалар дер кезінде табылып, ата-аналарына аман-есен табысталды. Полиция қызметкерлері ескертеді: балаларға қатысты кез келген жағдай ерекше мән беруді қажет етеді. Мұндайда уақытты жоғалтпай, дереу әрекет ету – қауіпсіздіктің кепілі", - дейді тәртіп сақшылары.
Туристік полиция ата-аналарды қырағы болуға, адамдар көп жиналатын орындарда балаларды қараусыз қалдырмауға шақырады.
Мемлекеттік шекарада ірі көлемде валюта тасымалдау дерегі тоқтатылды.
Сурет: Абай облысы ПД баспасөз қызметі
