Абай облысы Полиция департаментінің криминалист қызметкерінің отбасы "Мерейлі отбасы" республикалық байқауының жеңімпаздары қатарынан көрінді.
Абай облысының намысын республикалық байқауда қорғаған отбасы лауреат атанды, - деп хабарлайды Arnapress.kz тілшісі
"Мерейлі отбасы" байқауы отбасылық құндылықтарды дамытуға және қазақстандық отбасының оң имиджін насихаттауға бағытталған. Биыл байқау 11-ші рет өткізілді. Оған Қазақстанның барлық өңірлерінен 3 369 өтінім берілді.
"Мерейлі отбасы 2024" байқауының лауреаттары Абай облысынан Смағұловтар отбасы атанды.
"Әулеттің атасы - Ертай Смағұлов. Ол 1933 жылы Бесқарағай ауданында дүниеге келген. Ұлы Отан Соғысының ардагері. Оның немересі - полиция капитаны Дастан Ерсаев - Абай облысы Полиция департаменті Семей қаласы Полиция басқармасының аға криминалисі. Ол 2016 жылдан бері Ішкі істер органдарында қызмет етіп келеді", - деп хабарлады облыстық ПД баспасөз қызметінде.
Биыл оның отбасы облыстық байқаудың финалына шығып, республикадағы үздік отбасы ретінде таңдалды.
Сурет: Абай облысы ПД баспасөз қызметі
