Қала тұрғындары мен қонақтарын облыстың құрылғанына бір жыл толуына орай мерекелік іс-шараға шақырады.
Іс-шара 8 маусым күні сағат 18:00-де Ертістің оң жағалауында өтеді, – деп хабарлайды Arnapress.kz тілшісі қалалық әкімдіктің баспасөз қызметіне сілтеме жасап.
Шара барысында жергілікті өнерпаздардың концерті, бейнероликтер, флешмоб болады. Сондай-ақ, мерекелік шараға жиналған халық бір мезетте Абай облысының эстрадалық-симфониялық оркестрі сүйемелдеуімен Абайдың "Көзімнің қарасы" әнін орындайды.
Сурет: tengritravel.kz
