Жаңа жыл қарсаңында Семей қаласының тұрғындарының мерекеге дайындығын білу мақсатында Arnapress.kz тілшісі сауалнама жүргізді.
Сауалнамаға қатысқандардың басым бөлігі 2026 жылды қарсы алуға қызу дайындықпен кіріскенін айтса, кейбір тұрғындар әзірге дайындықты бастамағандарын жеткізді.
"Көңіл-күй тамаша. Дайындалып жатырмыз. Жаңа жыл – отбасылық мереке болғандықтан, оны үйде қарсы аламыз", – дейді қала тұрғындарының бірі.
Ал кейбір тұрғындар мереке түні жұмыста болатынын айтса, енді бір бөлігі сауалнамаға жауап беруден бас тартты.
"Біз студентпіз. Жаңа жылды жатақханада көңілді қарсы аламыз деп ойлаймыз. Әзірге дайындықты бастаған жоқпыз, басты мақсат – сессияны жоғары деңгейде аяқтау", – дейді студент қыздар.
