25 қазан – Республика күніне орай Семей қаласында мерекелік іс-шара өтеді, деп хабарлайды Arnapress.kz қала әкімдігінің баспасөзіне сілтеме жасап.
Сағат 10:30-да Бейбітшілік аралындағы Рәміздер алаңында Мемлекеттік Туды көтеру салтанатты рәсімі ұйымдастырылады.
Мерекелік бағдарлама "Мәңгілік жаса, қыран елім – Қазақстан!" атты концертпен жалғасады. Кеште Өмірқұл Айниязов, Ұшқын Жамалбек, Ақбота мен Серікбол, сондай-ақ "ETHNO ARLAN" және "Семсер" топтары өнер көрсетеді.
Ұйымдастырушылар қала тұрғындары мен қонақтарын ұлттық мерекеге арналған салтанатты шараға қатысуға шақырады.
Фото: Жасанды интеллект арқылы және қала әкімдігінің баспасөзінен
